Socially Distanced, Spiritually Connected

Keto fjale i mora sot nga Konferenca  e shtypit e Guvernatorit te New Yorkut, Andrew  Cuomo dhe po  i perdor si titull. Deri tani e vetmja vaksine apo kure e provuar : Rrini larg njeri tjetrit, por me zemer dhe shpirt se bashku.

Sot eshte dita e pare per mua qe jam i detyruar te mbyllem ne shtepi. E hene, 23 mars 2020. Te gjitha bizneset qe nuk jane esenciale per kete situate i kane vene celesin dyerve. Urdher i prere. Po perpiqem ne kompjuter te rregjistrohem si i papune, por pa sukses. Jane miliona si une ne te njejten kohe qe kerkojne te bejne te njejten gje. Me thone se ndiqet rendi alfabetik dhe me takon ta bej nje dite tjeter, shpresoj te marten. Te shohim. Tani per tani ka gjera me shqetesuese.

Ketu ne USA qe ne mengjes rastet e regjistruara pozitiv e kaluan shifren 40 mije. Gjysma e tyre jane ne New York State dhe mbi 80% nga kjo shifer jane ne New York City. Eshte i frikshem pershkallezimi qe ka mare. Me 1 Mars nuk kishte asnje rast te evidentuar ne New York. Tani pas tre javesh jane  mbi 20 mije. Shifra rritet cdo minute. Mjeket, infermieret, stafi rreth tyre po bejne te pamunduren. Drejtuesit politike dhe ekzekutiv qe u ka rene barra te qeverisin ne keto momente po mundohen te bejne me te miren duke paraqitur me detaje situaten, por edhe qetesuar e mbajtur nen kontroll panikun. Shikojme rruget e zbazura. "It is calm before the storm" (qetesi para furtunes), paralajmeron i pari i shtetit te New Yorkut. Kjo jave do te jete me e keqja, thote Surgeon  General, doktori i pare i vendit. Anthony Fauci, drejtori i Institutit te semundjeve infektive, njeriu me kurajoz qe ka fituar zemrat e miliona amerikaneve, nuk mund te mos e shpreh, se do te behet keq para se te behet me mire. Nuk e fsheh qe ndjej frike, por jo panik. Them jo panik se shikoj nje mobilizim te jashtezakonshem ne cdo nivel per te kapur dhe vleresuar kohen qe ka mbetur ne dispozicion.

Eshte nje shoqeri e tere e traumatizuar, nga e cila nuk bej perjashtim as une, ndonese per momentin familja ime immediate nuk ka probleme te egzistences. Megjithate secili ne kete situate ben  ate qe ka ne dore, ndjenjen humane , familjare dhe shoqerore. Pergatitu per me te keqen dhe lutu per me te miren,i themi njeri - tjetrit. Jemi ne kontakt te perditshem  me cdo familjar, te aferm, shoke dhe miq. Disa i ka cuar fati te jene ne pika tashme te nxehta dhe qytete problematike.Ori, Rubini, Cara dhe Ana jane ne New York City, Goni dhe Albana ne Poughkeepsie, Monda dhe Artiani ne Philadelphia Natasha dhe Agroni ne Boston, Nila ne Bergamo, Italy, Tefta dhe Eri ne Tirane, Ina ne Nice, France, Adela ne Pasadena, Kaliforni, Viktori ne Kucove dhe vellai im Rrapi ne Fier. Me te gjithe komunikojme perdite. Mbajme njeri - tjetrin te informuar. Japim mbeshtetje dhe kurajo. Ngrohtesia  per kedo dhe kudo ne kete momente eshte ilacı me efektiv.

Socially distanced, spiritually connected. Do kaloje edhe kjo situate. Lufta do fitohet. Durim dhe kujdes.

Comments

Popular posts from this blog

Dear Albania

To Albania With Love